राष्ट्रवादी शरद पवार गटाच्या खासदार सुप्रिया सुळे यांचा मोबाईल आणि व्हॉट्सअॅप हॅक झालं आहे. त्यामुळे एकच खळबळ उडाली आहे. सुप्रिया सुळे यांनी स्वत:च ट्वीट करत याबद्दलची माहिती दिली. अत्यंत महत्वाचे – माझा फोन आणि व्हॉटस्अप हॅक झाले आहे. कोणीही मला मेसेज किंवा फोन करून नये. याबाबत मी पोलीस तक्रार करत आहे. कृपया याची नोंद घ्यावी, असे सुप्रिया सुळे म्हणाल्या.
आज दुपारी १ च्या सुमारास सुळे यांनी ही पोस्ट करत कार्यकर्त्यांना व जनतेला सावध राहण्यास सांगितले आहे. अत्यंत महत्वाचे आहे असे म्हणत सुळे यांनी हा मेसेज केला आहे. कोणीही त्यांना फोन किंवा मेसेज करून नये असे त्या म्हणाल्या आहेत.
”माझा फोन आणि व्हॉटस्अप हॅक झाले आहे. कोणीही मला मेसेज किंवा फोन करून नये. याबाबत मी पोलीस तक्रार करत आहे. कृपया याची नोंद घ्यावी. – सुप्रिया सुळे”, असे ट्विट करून सुप्रिया सुळे यांनी लोकांना सावध केले आहे.
