नागपूर जिल्ह्यातील बाजारगाव येथे असलेल्या सोलर एक्सप्लोझिव्ह कंपनीत भीषण स्फोट झाला आहे. या घटनेत 9 जणांचा मृत्यू झाला असल्याची माहिती समोर आली आहे. या स्फोटाची तीव्रता खुप जास्त होती. त्यामुळे मृतांचा आकडा वाढण्याची शक्यता आहे.
मिळालेल्या माहितीनुसार, सकाळी नऊ वाजता ही दुर्दैवी घटना घडली. सोलर एक्सप्लोसिव्ह कंपनीच्या कास्ट बूस्टर प्लांटमध्ये पॅकिंगच्या वेळी हा स्फोट झाला. या घटनेवेळी कामगार कंपनीत काम करत होते. त्यातील 9 जणांचा मृत्यू झाला आहे. मृतांमध्ये 3 महिला आणि 6 पुरुषांचा समावेश आहे. तर 3 जण गंभीर जखमी झाले असल्याचेही समोर आले आहे.
ANI या वृत्तसंस्थेने दिलेल्या माहितीनुसार, नागपूर ग्रामीणचे एसपी हर्ष पोद्दार यांनी सांगितले की, ‘नागपूरच्या बाजारगाव गावात सोलर एक्सप्लोझिव्ह कंपनीत झालेल्या स्फोटामुळे 9 जणांचा मृत्यू झाला. सोलर एक्सप्लोसिव्ह कंपनीच्या कास्ट बूस्टर प्लांटमध्ये पॅकिंग दरम्यान ही घटना घडली.’
Welcome to Kshitij World. You will find here worlds update and basic information of various things