अहमदाबादहून लंडनला जाणारे एअर इंडियाचे विमान टेकऑफनंतर अवघ्या दोन मिनिटांत कोसळले. अहमदाबादमधील मेघानीनगर या भागात विमानाचा भीषण अपघात घडला. अहमदाबाद विमान दुर्घटनेत गुजरातचे माजी मुख्यमंत्री विजय रुपाणी यांचा मृत्यू झाला आहे. 12 जून रोजी दुपारी गुजरातमधील अहमदाबादमध्ये एअर इंडियाचे प्रवासी विमान उड्डाणानंतर अवघ्या 5 मिनिटांनी कोसळलं. हे विमान निवासी भागात कोसळलं. विमानात बसलेल्या एका प्रवाशाशिवाय सर्वांचा मृत्यू झाला. दुर्घटनाग्रस्त विमानात गुजरातचे माजी मुख्यमंत्री विजय रुपाणीही उपस्थित होते. विमान अपघातात त्यांचाही दुर्दैवी मृत्यू झाला आहे.
अहमदाबाद विमान दुर्घटनेत गुजरातचे माजी मुख्यमंत्री विजय रुपाणी यांचा मृत्यू झाला आहे. त्यांच्या मृत्यूनंतर आता त्यांच्या लकी नंबरची चांगलीच चर्चा होत आहे.
रुपाणी यांच्या आयुष्यात एक असा नंबर होता जो त्यांच्यासाठी फक्त एक नंबर नव्हता तर विश्वासाचे प्रतीक होता. हा नंबर ‘1206 ‘ होता. ते या नंबरला त्यांच्या आयुष्यातील लकी नंबर मानत होते. त्यांच्या सर्व वाहनांच्या, मग ते स्कूटर असो किंवा कार, नंबर प्लेटवर हा नंबर होता. पण 12/06/2025 या तारखेने हा ‘भाग्यवान नंबर’ एका दुर्घटनेत बदलला आणि त्यांचा घात केला आहे. या तारखेला विजय रुपाणी एअर इंडियाच्या लंडनला जाणाऱ्या फ्लाईट एआय 171 मध्ये होते, जे अहमदाबादहून उड्डाण केल्यानंतर काही मिनिटांतच क्रॅश झाले. ते त्यांच्या पत्नी आणि मुलीला भेटण्यासाठी लंडनला जात होते. मात्र या दुर्घटनेत त्यांचा दुर्दैवी मृत्यू झाला आहे. त्यामुळे रुपाणी यांच्या लकी नंबरनेच त्यांचं लक काढून घेतलं अशी चर्चा आता सोशल मिडियावर बघायला मिळत आहे.