हिंदू धर्मात माघ महिना भगवान विष्णूला समर्पित आहे. माघ महिन्याच्या कृष्ण पक्षातील एकादशीला षटतिला एकादशी म्हणतात. यावर्षी षटतिला एकादशी २५ जानेवारी २०२५ रोजी म्हणजेच शनिवार आहे. या दिवशी तिळाचा वापर आणि दानाला विशेष महत्त्व आहे. असे मानले जाते की, या दिवशी तिळाचा जास्तीत जास्त वापर केल्याने पुण्य प्राप्त होते. या एकादशीव्रताच्या प्रभावाने व्यक्तीला पापांपासून मुक्ती मिळते.
काय आहे षटतिला एकादशीचे महत्त्व?
असे मानले जाते की या दिवशी भगवान विष्णूची पूजा केल्याने जातकाच्या सर्व मनोकामना पूर्ण होतात. हे व्रत केल्याने मनुष्य निरोगी राहतो आणि त्याच्या सर्व पापांचा नाश होतो. षटतिला एकादशीला ‘षटतिला’ हे नाव पडले, कारण या दिवशी तिळाचा वापर सहा प्रकारे केला जातो. या दिवशी तीळ दान, स्नान, पान, हवन, अन्न खाणे आणि लावणे हे शुभ आणि पुण्यकारक मानले जाते. तीळ दान केल्याने माणसाला अन्न, पैसा आणि समाधान मिळते आणि हे व्रत आध्यात्मिक प्रगतीचे प्रतीक मानले जाते.
षटतिला एकादशी शुभ मुहूर्त
एकादशीची तिथी २४ जानेवारी २०२५ रोजी संध्याकाळी ०७ वाजून २५ मिनिटांनी सुरू होईल आणि एकादशी तिथी २५ जानेवारी २०२५ रोजी रात्री ०८ वाजून ३१ मिनिटांनी संपेल.
ब्रह्ममुहूर्त- सकाळी ०५.२६ ते ०६.१९,
संध्या- सकाळी ०५.५३ ते ०७.१३,
अभिजित मुहूर्त- दुपारी १२.१२ ते १२.५५
विजय मुहूर्त- दुपारी ०२.२१ ते दुपारी ०३.०३
गोधूली मुहूर्त- सायंकाळी ०५.५२ ते ०६.१९
षटतिला एकादशी व्रत पारायण मुहूर्त
षटतिला एकादशी व्रत २६ जानेवारी २०२५, रविवार रोजी केले जाईल. उपवासाचा शुभ काळ सकाळी ०७.१२ ते ०९.२१ या वेळेत असेल. पारायण तिथीच्या दिवशी द्वादशीची शेवटची वेळ रात्री ०८.५४ आहे.
