उत्तरप्रदेशातील पावन प्रयागराज येथे गंगा–यमुना–सरस्वती यांच्या त्रिवेणी संगमावर राज्याचे लोकप्रिय उपमुख्यमंत्री स्वर्गीय अजितदादा पवार यांच्या पवित्र अस्थींचे परंपरेनुसार विधीवत व आदरपूर्वक विसर्जन करण्यात आले.
अजित पवारांचे पूत्र जय पवार यांनी संगमावर मंत्रोच्चार करत अस्थी विसर्जित केल्या. राष्ट्रवादी युवक काँग्रेसचे राष्ट्रीय अध्यक्ष धीरज शर्मा यांच्या नेतृत्वाखाली अजित पवार यांची ‘कलश यात्रा’ काश्मीर ते कन्याकुमारी अशी आयोजित करण्यात आली होती. राष्ट्रवादी परिवारातर्फे काश्मीर ते कन्याकुमारी अशी काढण्यात आलेली स्व. अजितदादा पवार यांची देशव्यापी ‘अस्थि-कलश यात्रा’ विधीवतरीत्या पूर्णत्वास गेली. हरिद्वार येथून प्रारंभ झालेल्या या राष्ट्रव्यापी यात्रेचा समारोप प्रयागराजच्या त्रिवेणी संगमावर अत्यंत भावनिक वातावरणात पार पडला. 12 राज्यांमधून जाणारी ही यात्रा आज जय पवार आणि कुटुंबाच्या उपस्थितीत संगमावर समाप्त झाली.
याप्रसंगी राष्ट्रवादी युवक काँग्रेसचे राष्ट्रीय अध्यक्ष धीरज शर्मा, राष्ट्रीय सचिव धनंजय शर्मा, उत्तरप्रदेश राष्ट्रवादी काँग्रेसचे प्रदेशाध्यक्ष हरिश्चंद्र सिंग, उत्तरप्रदेशातील भाजपचे प्रमुख नेते, तसेच राष्ट्रवादी काँग्रेसचे विविध पदाधिकारी, कार्यकर्ते आणि भाविक मोठ्या संख्येने उपस्थित होते.
जय पवार यांनी पुजाऱ्यांच्या उपस्थितीत कलश पूजा केल्यानंतर विधीनुसार तीन पवित्र नद्यांच्या संगमावर असलेल्या संगमात अस्थी विसर्जित केल्या. अस्थि विसर्जनानंतर, पवार कुटुंब विमानतळाकडे रवाना झाले. संगमावर सुमारे दोन तास घालवले आणि विधीनुसार अस्थि विसर्जन केले. संगम येथे अस्थि विसर्जन केल्यानंतर, पवार कुटुंब घाटावर गेले आणि थेट विमानतळ गाठले. धीरज शर्मा म्हणाले, “हा कुटुंबासाठी, लाखो राष्ट्रवादी कार्यकर्ते आणि दादाच्या समर्थकांसाठी खूप भावनिक क्षण आहे. अस्थी कलश यात्रेसाठी मी हरिद्वार ते तेलंगणा असा प्रवास केला. अजितदादा हे केवळ महाराष्ट्रातच नव्हे तर देशातील एक प्रमुख राष्ट्रीय राजकीय व्यक्तिमत्व होते.” 28 जानेवारी रोजी बारामती विमानतळावर झालेल्या चार्टर्ड विमान अपघातात अजित पवार यांचे निधन झाले. या अपघातात दोन वैमानिक, एक महिला क्रू मेंबर आणि एका सुरक्षा रक्षकासह एकूण पाच जणांना आपला जीव गमवावा लागला. विमान लँडिंग होण्यापूर्वीच मोठा स्फोट झाला. अजित यांच्या निधनानंतर त्यांच्या पत्नी सुनेत्रा पवार यांनी महाराष्ट्राच्या पहिल्या महिला उपमुख्यमंत्री म्हणून शपथ घेतली.
