लोकप्रिय शो बिग बॉसमध्ये सर्वांचा लाडका, मराठमोळा आरजे, कॉमेडियन प्रणित मोरे पुन्हा एकदा दिसणार असल्याचे समोर येत आहे. ‘वीकेंड का वार’ स्पेशल भागात प्रणित घराबाहेर गेल्यापासून तो विविध सोशल मीडिया प्लॅटफॉर्मवर ट्रेन्ड होतोय. तब्येतीच्या कारणास्तव त्याला बाहेर जावे लागलेले. WKV स्पेशल एपिसोडमध्ये सलमान खानने स्पष्ट केलेले की, प्रणित एव्हिक्ट झाला नसून वैद्यकीय कारणासाठी बाहेर जातो आहे. गौरव खन्ना, मालती चाहर, अभिषेक बजाज, मृदूल तिवारी आणि अशूनर कौर या त्याच्या मित्रांसह घरातील सर्वांसाठीच प्रणितने घराबाहेर जाणं धक्कादायक होतं. फरहाना भट्ट वगळता सर्वांनाच वाईट वाटलं होतं. आता या सर्वांसाठी एक आनंदाची बातमी समोर आली आहे.
प्रणित घराबाहेर गेल्यापासूनच अशी चर्चा होती की, प्रणितच्या तब्येतीत सुधारणा झाल्यानंतर त्याला सीक्रेट रुममध्ये पाठवण्यात आले आहे. आता बिग बॉसविषयी अपडेट देणाऱ्या सोशल मीडिया पेजवरुन अशी माहिती समोर आली आहे की, प्रणित 5 नोव्हेंबर रोजीच घरात परतणार आहे. ‘बिग बॉस तक’ने याविषयी वृत्त दिले. मात्र, प्रणितला सीक्रेट रुममध्ये पाठवले आहे की त्याची थेट घरात एन्ट्री झाली, हे लवकरच स्पष्ट होईल. हे वृत्त समोर आल्यानंतर चाहत्यांमध्ये आनंदाचं वातावरण आहे एवढं मात्र नक्की!
दरम्यान सलमानने प्रणित घराबाहेर जाणार असल्याची घोषणा केल्यानंतर मालती, कुनिका, अशनूर तसंच अभिषेकने सलमानला विचारले होते की, तो परत येईल का? त्यावर सलमानने नकारार्थी मान डोलावली होती. त्यामुळे स्पर्धकांसह चाहत्यांसाठी हा मोठा धक्का होता. कोणालाच विश्वास बसला नव्हता की, प्रणित घराबाहेर गेला आहे. आता त्याच्या पुनरागमनाचे वृत्त समोर आल्याने चाहते आनंद व्यक्त करत आहेत. यावर इतर स्पर्धकांची प्रतिक्रिया काय असेल, हे पाहणं महत्वाचं ठरेल.
तसेच या आठवड्यात मृदूल-मालती वगळता प्रणितचे तीन मित्र म्हणजेच गौरव, अशनूक आणि अभिषेक घराबाहेर जाण्यासाठी नॉमिनेट झाले आहेत. या तिघांसह फरहाना आणि नीलम गिरीदेखील नॉमिनेट झाल्या आहेत. या पाच जणांपैकी कोण घराबाहेर जाईल, हे लवकरच स्पष्ट होईल.
