पंतप्रधान नरेंद्र मोदी यांनी सोशल मीडियाच्या जगात एक नवा इतिहास रचला आहे. त्यांनी इंस्टाग्रामवर (Instagram) 100 मिलियन म्हणजेच 10 कोटी फॉलोअर्सचा टप्पा पार केला आहे. यासोबतच इंस्टाग्रामवर ही कामगिरी करणारे ते जगातील पहिले विद्यमान पंतप्रधान आणि राजनेत ठरले आहेत. पंतप्रधान मोदींनी 2014 मध्ये इंस्टाग्राम जॉइन केले होते. मागील एका दशकात त्यांचे अकाउंट जगातील सर्वात सक्रिय आणि सर्वाधिक फॉलो केले जाणारे राजकीय अकाउंट्समध्ये सामील झाले आहे. त्यांच्या पोस्टमध्ये सरकारी कार्यक्रम, विदेश दौरे, युवकांशी संवाद, सांस्कृतिक झलक आणि वैयक्तिक क्षण असतात. यामुळे ते देश आणि विदेशातील लोकांशी थेट जोडले जातात.
इंस्टाग्रामवर फॉलोअर्सच्या बाबतीत पंतप्रधान मोदी जगातील सर्व नेत्यांपेक्षा पुढे आहेत. पंतप्रधान मोदींचे 100 मिलियन+ फॉलोअर्स आहेत, तर डोनाल्ड ट्रम्प यांचे 43.2 मिलियन, प्राबोवो सुबियांतो यांचे 15 मिलियन, लुईझ इनासियो लुला दा सिल्वा यांचे 14.4 मिलियन, रेसेप तय्यिप एर्दोगान यांचे 11.6 मिलियन आणि जेवियर मायली यांचे 6.4 मिलियन फॉलोअर्स आहेत. पंतप्रधान मोदींच्या फॉलोअर्सची संख्या अमेरिकेचे राष्ट्राध्यक्ष डोनाल्ड ट्रम्प यांच्यापेक्षा दुप्पटाहून अधिक आहे. पंतप्रधान नरेंद्र मोदी यांचे फॉलोवर्स 100 मिलियन+ पोहोचले असताना, योगी आदित्यनाथ 16.1 मिलियन आणि राहुल गांधींचे 12.6 मिलियन फॉलोअर्स आहेत. यावरून हे स्पष्ट होते की सोशल मीडियावर पंतप्रधान मोदी इतर भारतीय नेत्यांपेक्षा खूप पुढे आहेत.
X आणि Facebook वरही लोकप्रियता
इंस्टाग्राम व्यतिरिक्त पंतप्रधान मोदी इतर सोशल मीडिया प्लॅटफॉर्मवरही खूप लोकप्रिय आहेत. X (पूर्वीचे Twitter) वर मोदींचे 106.2 मिलियन फॉलोअर्स आहेत. तर फेसबूकवर 54 मिलियन फॉलोअर्स आहेत. हे आकडे त्यांचे जागतिक प्रभाव आणि डिजिटल पोहोच दर्शवतात. तरुणांमध्ये त्यांची मजबूत पकड असल्याचे निदर्शनास आणतात.
स्टॅटिस्टा आणि मॉर्निंग कन्सल्टनुसार, पंतप्रधान मोदींची लोकप्रियता केवळ सोशल मीडियापुरती मर्यादित नाही. स्टॅटिस्टानुसार 70% अप्रुव्हल रेटिंग हे जगात सर्वात जास्त आहे. तर मॉर्निंग कन्सल्ट (फेब्रुवारी 2026) 67% अप्रुव्हल रेटिंग, डोनाल्ड ट्रम्प 40% अप्रुव्हल रेटिंगसह 11 व्या स्थानावर आहेत. हे डिजिटल युगात मोदींच्या जागतिक प्रभावाचे नवीन उदाहरण आहे.
