राज्यात होत असलेल्या विधानसभा निवडणुकीच्या पार्श्वभूमीवर कोल्हापूरच्या आदमापूरमध्ये शिवसेना ठाकरे गटाचे पक्षप्रमुख उद्धव ठाकरे यांची सभा होत आहे. इथलं पाणी अदानींना विकलं जातंय, असा गंभीर आरोप या सभेतून उद्धव ठाकरे यांनी केला आहे. आताची लढाई महाराष्ट्र प्रेमी आणि महाराष्ट्रद्रोही यांच्यासोबतची आहे. महाराष्ट्र प्रेमी आघाडी सोबत आहे. मी लढायला मैदानात उतरलो आहोत. साथ देणार आहात? लढणार आहात? विजय देणार आहात? (लोकांचा आवाज हो) मग भाषण करण्याची गरज काय कोल्हापुरातून चांगली सुरुवात झाली. कोल्हापुरात अंबाबाईचं दर्शन घेतलं. बाळू मामांचे आशीर्वाद घेतले. आता तुमचं दर्शन घेऊन पुढे जाणार आहे. तुमचा उत्साह पाहिल्यानंतर हा राधानगरी मतदारसंघ गद्दारांना गाडल्याशिवाय राहणार नाही यात शंका नाही, असं उद्धव ठाकरे म्हणालेत.
निवडणुकीत हिंदू मुस्लिम करायचं तोडफोड करायचं. मराठी माणसात फूट पाडायची,. तुम्ही मेला तरी चालेल, तुम्हाला सत्ता मिळाली पाहिजे ही भाजपची नीती आहे. गेल्यावेळी निवडून दिलं, तू तिकडे गेला. लाचार झाला. पण आता राधानगरीकर लाचार नाही. महाराष्ट्र विकणाऱ्यांना मदत करेल तो महाराष्ट्राचा शत्रू. जो अदानी, शाहांना मदत करतो तो महाराष्ट्राचा शत्रू. जो मोदी आणि शाह यांची पालखी वाहतो तो महाराष्ट्राचा विरोधक, असं उद्धव ठाकरे म्हणालेत.
एका गोष्टीचं बरं वाटलं. सतेज पाटील सोबत आहेत. सतेज तुमचं नाव घेतल्यावर उत्साह पाहिला. एक गोष्ट चांगली झाली का म्हटलं कारण इथल्या विजयाची जबाबदारी मी सतेजवरच टाकतोय. शाहू महाराज सोबत आहेत. त्यांचे आशीर्वाद आहेत. हा जोश पाहिजे. शिवरायांचा महाराष्ट्र हा जोशपूर्णच पाहिजे, असं म्हणत उद्धव ठाकरे यांनी महाविकास आघाडीच्या नेत्यांना आणि कार्यकर्त्यांमध्ये उत्साह पेरण्याचा प्रयत्न केला.
मधल्या काळात ग्रहण लागलं. मी तुमची हात जोडून माफी मागतो. ती चूक माझ्याकडून झाली. पण तुम्ही मोठ्या मनाचे. तुम्ही सर्व केलं. आमदार तुम्ही केलं. मी उमेदवारी दिली. तुमच्या पाठीत वार करायला काही लोक उभे आहेत. आणखी काय द्यायचं होतं. आमदार केलं. मान सन्मान प्रेम दिलं सर्व दिल्यानंतर शिवसेना नावाच्या आईवर वार करणारा माणूस तुमचा होऊ शकतो का?, असं म्हणत उद्धव ठाकरेंनी शिंदे गटावर निशाणा साधला आहे.
उद्धव ठाकरे यावेळी म्हणाले की कोल्हापुरातून चांगली सुरुवात झाली. कोल्हापुरात अंबाबाईचं दर्शन घेतलं. बाळू मामांचे आशीर्वाद घेतले. आता तुमचं दर्शन घेऊन पुढे जाणार आहे. तुमचा उत्साह पाहिल्यानंतर हा राधानगरी मतदारसंघ गद्दारांना गाडल्याशिवाय राहणार नाही यात शंका नाही.मधल्या काळात ग्रहण लागलं. मी तुमची हात जोडून माफी मागतो. ती चूक माझ्याकडून झाली. पण तुम्ही मोठ्या मनाचे. तुम्ही सर्व केलं. आमदार तुम्ही केलं. मी उमेदवारी दिली. तुमच्या पाठीत वार करायला काही लोक उभे आहेत. आणखी काय द्यायचं होतं. आमदार केलं. मान सन्मान प्रेम दिलं सर्व दिल्यानंतर शिवसेना नावाच्या आईवर वार करणारा माणूस तुमचा होऊ शकतो का. एका गोष्टीचं बरं वाटलं. सतेज सोबत आहेत असेही उध्दव ठाकरे यावेळी म्हणाले. उद्धव ठाकरे आपल्या भाषणात म्हणाले की सतेज तुमचं नाव घेतल्यावर उत्साह पाहिला. एक गोष्ट चांगली झाली का म्हटलं कारण इथल्या विजयाची जबाबदारी मी सतेजवरच टाकतोय. शाहू महाराज सोबत आहेत. त्यांचे आशीर्वाद आहेत. हा जोश पाहिजे. शिवरायांचा महाराष्ट्र हा जोशपूर्णच पाहिजे असेही उध्दव ठाकरे यावेळी सांगितले.
आज जे काही बघतो आहोत, मी इथे नन्नाचा पाढा लावायला आलो नाही. पण अडीच वर्ष भोगत आलो ते व्यक्त करायला आलोय. खोके सरकार आहे. जिथे मिळेल तिथे खात आहे. रस्त्यातही खात आहे. आपलं सरकार असताना पुण्याच्या रिंगरोडची संकल्पना आपली होती. आपण ज्या रकमेला मंजुरी दिली त्यापेक्षा कितीतरी पटीने रक्कम मंजूर केली, असा हल्लाबोल उद्धव ठाकरे यांनी यावेळी केला आहे.
पुढे बोलताना ते म्हणाले की, मनोहर जोशी मुख्यमंत्री होते. त्या पाच वर्षात पाच जीवनावश्यक वस्तूंचे भाव स्थिर ठेवले होते. महागाई वाढू दिली नव्हती. आमचं सरकार आलं तर पाच जीवनावश्यक वस्तूंचे भाव स्थिर ठेवू, अशी घोषणा करतो. त्यात डाळ, तांदूळ, साखर, तेल आलं जे काही लागते त्याचे भाव स्थिर ठेवून दाखवणारच. सरकारही स्थिर आणि भावही स्थिर ठेवू. नुसतं तुम्ही कोपराला गूळ लावता. लोकांना भरकटून टाकता. महाराष्ट्र गुजरातला विकून टाकायचा. मी काही गुजरातच्या विरोधात नाही. महाराष्ट्रातील हक्काचं, जे आहे तो त्यांच्या तोंडचा घास ओरबाडून गुजरातला देणार असाल तर आम्ही कदापी होऊ देणार नाही, असा घणाघात उद्धव ठाकरे यांनी केला आहे.
